POSTAL DE NADAL A ASPANAES, 6º DE PRIMARIA

  Co gallo da festividade de Nadal, cada aula do centro elaborou unha postal para unha asociación ou colectivo. O alumnado de 6º elexiu a asociación ASPANAES para enviar a postal creada. 

ASPANES é unha entidade non lucrativa de acción social que traballan para apoiar ás persoas con TEA e as súas familias, creando oportunidades para mellorar a súa calidade de vida. 

Aproveitamos esta ocasión para contactar co noso amigo Alexis que o curso pasado rematou a súa estancia no Milladoiro.

A mestre Uxía en persoa, levou a postal e estivo un anaco con Alexis; foi un momento moi especial volver a estar con él.

A postal creada polo alumando de 6º foi a seguinte:

Alexis non quixo ser menos e enviounos de volta unha postal feita por él:

A continuación deixamos o proceso de elaboración deste precioso detalle e para rematar, tan só nos queda decirlles a todos e todas os traballadores e alumnado de ASPANAES ... moitas grazas... e...

 BO NADAL E FELIZ 2025!!!!!

XORNADA SOBRE RODAS (EDUCACIÓN VIAL)

Este luns 17 de xuño, o alumnado de todo o centro pasou polo pavillón co seu vehículo sobre rodas (patinetes, patíns, monopatíns...) para desfrutar da xornada sobre rodas que levamos poñendo en marcha os últimos cursos no centro.

Foi outra experiencia xenial na que os alumnos e alumnas de 6º de Primaria exerceron de policías, colaborando e axudando aos máis pequenos e pequenas a realizar o circuito correctamente. Explicaron o circuito e as sinais máis coñecidas para que a xornada transcorrera ¨sobre rodas¨, dende aquí os nosos parabéns!!!

        Acceso á galería de imaxes clicando na seguinte 👇

XORNADA DE SURF NA PRAIA (PVAD)

 O pasado martes 4 de xuño, o alumnado de 2º ciclo baixou á praia de Area Maior a participar na xornada de surf organizada pola academia ONE SURF academy de Malpica de Bergantiños. Os monitores foron Roi e Hugo na auga e na concienciación mediambiental e traballo na area o responsable foi Toni, o director da academia. Un ano máis temos que darlle as grazas e os parabéns a Toni, Hugo e Roi por permitirnos desfrutar desta xornada deportiva, especial e xa tradicional, xa que é a cuarta ocasión que se leva a cabo. 

acceso á galería de imaxes picando na seguinte 👇

CAMIÑO DOS FAROS (PVAD) 4º E 5º DE EDUCACIÓN PRIMARIA.

O pasado mércores 12 de xuño, o alumnado de 4º e 5º de educación primaria realizou un tramo do Camiño dos Faros gracias a colaboración da Asociación Salitre.

Este ano Ramón, José Manuel, Andrea e Cecilia foron os voluntarios, guías e acompañantes nesta actividade tan completa e deportiva, dende aquí o noso gradecemento. A ruta comezou no IES Urbano Lugrís e continuou ata o cumio da Monte Beo onde puidemos disfrutar dunhas espectaculares e fermosas vistas, logo descendemos polas antenas ata San Adrián onde merendamos e fixemos xogos ao aire libre para voltar finalmente camiñando de volta ao instituto. Agradecemos enormemente a colaboración tamén de Iván (protección civil) e Rubén (policía local) nunha xornada activa e deportiva. A ruta total foi de aproximadamente 7 kilómetros. Grazas a todos e todas.

Acceso á galería de imaxes picando na seguinte 👇

FINAL INTERCOMARCAL DE BADMINTON SERRA DE OUTES

 O pasado martes 30 de abril celebrouse en Serra de Outes a final intercomarcal de badminton, na cal, o noso centro contaba con 8 representantes.

De 5º de Educación Primaria foron Celia e Bruno e de 6º de Educación Primaria Dani, David, Alex Liu, Gonzalo, Lucas e Martín. 

Nos dezaseisavos de final, pasaron Martín, Lucas e Gonzalo, os demáis perderon os seus respectivos partidos, polo que pasaron ao cadro dos repescados, chegando á final Álex Liu (conseguindo 3 victorias no seu haber) todos xogaron un mínimo de 2 partidos, sendo unha gran festa deportiva e de convivencia pois compartimos autobús e tamén estancia co CPI As Revoltas de Cabana de Bergantiños.

Foi unha viaxe longa, pero mereceu a pena, unha experiencia máis a través do deporte, onde aprenderemos a competir, a ser xustos cando actuaron de árbitros e a xestionar as victorias e as derrotas.

Este último evento cerra a temporada XOGADE no CEIP Milladoiro, esperamos que o alumnado o desfrutase e que o ano que ven, continúen desfrutando desta modalidade de participación deportiva.

Acceso á galería de imaxes clicando na seguinte:

👇

                                                        PARABÉNS CAMPIÓNS!!!

5ºEP_Cociñando... xeometría!

Premer na imaxe para acceder á galería de fotos

Presentamos as nosas creacións culinarias tentando que fosen o máis xeométricas posibles (triángulos, cadrados, rectángulos...) e con ingredientes do máis saudable: salmón afumado, pan de molde, queixo crema, uvas e mandarinas.

O traballo en equipo presidiu a actividade: borrador de ideas tendo en conta os ingredientes dispoñibles e reparto de tarefas para a creación final. Creacións moi relacionadas co noso título do Plan Lector de aula: "Ula e Vinca. O feitizo de primavera" de María Brenn e editado por Antela.

Creacións que achegamos a continuación:

• "O oso" do equipo 1 composto por Siro, Fran, Mara e Uxía P.

• "A casa" do equipo 2 composto por Noela, Andrea, Uxía M. e Lola.

• "Árbore rica, rica" do equipo 3 composto por Pablo, Marco U., Carlos e Leo.

• "Cartoon cat" (gato de debuxos animados) do equipo 4 composto por Damián, Celia, Ainoa, Bruno e Salvador.

Creatividade en acción e... degustación final do máis deliciosa!

Biblioaxudantes de 5º na radio (Entrevista a Hugo e a Toni, director da ONE Surf Academy)

     Neste pasado venres 26 de abril, Hugo e Toni viñeron ao pavillón do noso centro a impartir a sesión introductoria dentro do programa ¨Aprende a través del surfing¨. Aproveitando esta visita, aceptaron a proposta de poñerse diante dos micros de Radio Balea e ser entrevistados por un grupo de alumnos e alumnas de 5º de Educación Primaria dentro da iniciativa ¨Biblioaxudantes de 5º na Radio¨. 

Os entrevistadores foron Damián, Ainoa, Pablo, Siro e Uxía Martínez, a coma técnica de son, Celia. Foi unha entrevista moi amena e didáctica, e que nos axudou a coñecer un pouquiño mellor a estes dous cracks que nos están guiando no descubrimento dun deporte tan apaixoante coma o surf, ademáis de coñecer os segredos do mar e o respeto e o coidado polo medio mariño.

O resultado é o seguinte, esperamos que o desfrutedes!!

   

Acceso á galería de imaxes clicando na seguinte:

6ºEP_Encontro con Eva Mejuto: "O día que choveron gatos"

Damos continuidade ao noso Mes das Letras 2024 co encontro entre o alumnado de 6º de primaria e a autora Eva Mejuto, facilitado pola editorial Xerais.

O título do Plan Lector Anual da aula de 6º de primaria, "O día que choveron gatos", motivou o encontro para coñecer, en persoa, a escritora do libro. Ao tempo, Eva respondeu a todas as preguntas en relación co libro e con moitos outros títulos da súa autoría: a súa traxectoria vital e literaria.

Premer na imaxe para acceder á galería de fotos

Agradecemos a Eva a súa dispoñibilidade e amabilidade, o alumnado quedou encantado de coñecela e presentarlle as súas creacións artísticas ao redor do libro, mesmo puido levar un borrador da segunda parte do mesmo, escrita por Alejandro García, para a exposición de aula.

Achegamos o podcast gravado en Radio Balea, partindo dalgunhas das preguntas-respostas realizadas na biblio, para que o seu paso polo noso cole perdure en... escrita, imaxe e son.

Estaremos atent@s a próximas publicacións da autora.

6ºEP_Formación Biblio Creativa: E-textiles

O alumnado de 6º de primaria desenvolveu a formación de Biblio Creativa da man de Cati e Flor de Maker Store (Carballo).

Os e-textiles foron o contido protagonista: tecidos que inclúen compoñentes electrónicos como baterías, LEDs, sensores...

Nen@s desenvolvendo as súas habilidades creativas, artísticas e pensamento computacional, habilidades do século XXI.

Premer na imaxe para acceder á galería de fotos

Unha vez máis, Cati e Flor primaron o proceso sobre o produto final, un proceso altamente creativo e de autocoñecemento.

Un fin de trimestre entre fíos condutivos, LEDs e... creatividade!

5ºEP_Entrevista fantástica: Manuela A. Barreiro Pico

Co gallo do Día da Muller, presentamos a entrevista fantástica a unha Muller galega e pioneira en moitos feitos: Manuela Antonia Barreiro Pico, primeira Muller Licenciada en Farmacia.

A vindeira semana, celebraremos na nosa biblio a Semana da Muller 2024, e este será o produto final que presentaremos: investigación e comunicación en Radio Balea. Tamén vos deixamos o podcast:

Feliz Día da Muller, hoxe e... todos os días do ano!

6ºEP_Entrevista fantástica: Jane Goodall

Presentamos a entrevista fantástica a Jane Goodall que realizamos, en relación co PDI "Medicus curat natura sanat", para presentar a vindeira semana na nosa biblio conmemorando a Semana da Muller 2024.

Feliz Día da Muller 2024!

BADMINTON (TERCEIRO CICLO) FASE INTERCOMARCAL

O alumnado do terceiro ciclo que de forma voluntaria quixo participar no campionato de Badminton celebrado o martes 5 de marzo en Serra de Outes viviu unha nova e enriquecedora experiencia a través do deporte.

Unha longa viaxe tivemos ata chegar ao pavillón de Serra de Outes, pero o esforzo mereceu a pena. Alí, xunto con varios centros do Barbanza, xogamos unha serie de partidos diante dunhas gradas cheas de público. 

A xornada foi fantástica e cando os membros da organización chamaban aos nosos e nosas valentes para xogar o partido, unha ovación dos seus compañeiros e compañeiras os acompañaban.

Houbo nervios, tensión, deportividade, compañerismo, moito ánimo e tamén victorias e derrotas. 

7 nenos e nenas entre os cursos de 5º e 6º de Educación Primaria acadaron a clasificación para a fase final intercomarcal que se xogará o 30 de abril de novo en Serra de Outes.

Por se isto non fora pouco, ademáis, viviron en primeira persoa o arbitraxe, xa que eran dous nenos/as neutrais os encargados de arbitrar os partidos.

Parabéns rapazada!!!!!

ACCESO A GALERÍA DE IMAXES CLICANDO NA SEGUINTE:

POP ART (Alumnado de 6º de Educación Primaria)

 O alumnado de 6º de Educación Primaria estivo a traballar con Uxía a súa titora,o arte POP con distintos artistas na área de Educación Plástica e visual.

Compartimos as súas obras

ENTREVISTA A SUSO DO BECHO (¨ Xogo das vacas¨) - Barizo e Mens -

 Este martes 6 de febreiro recibimos en Radio Balea a visita de Suso, neto de Jesús do Becho, gran dinamizador e participador activo do ¨Xogo das Vacas¨ cando antigamente aínda se facían estas recreacións e paradoias en Mens ou Barizo como forma de festexar o entroido.

Suso é membro da comunidade educativa do centro, xa que é o pai dunha alumna de 1º de Educación Primaria.

A entrevista permitiunos coñecer mellor en qué consistía o ¨ Xogo das vacas¨ e como a retranca, as chanzas e os dobres sentidos eran fundamentais, pois esas escenas eran produto da improvisación, da picardía, da rapidez de resposta e da axilidade mental dos participantes.

Un dos papeis protagonistas era ¨A Chamadora¨ que era o que protagonizaba Jesús do Becho, avó de Suso nos tempos nos que aínda se facían estas representacións. Outros  personaxes que tamén interviñan eran as vacas, o arador, o sementador, o veterinario ou o comprador das vacas.

Moitas grazas pola túa colaboración Suso, e por achegarnos as túas lembranzas!!!

Para acceder a galería de imaxes, clicar na seguinte:

             Con esta entrevista finalizamos esta rolda de visitas a Radio Balea co gallo do Día Mundial da Radio, e que mellor maneira de cerralo que compartindo  unha imaxe de Jesús do Becho, ca cara maquillada de azafrán, caracterizado para a ocasión e camiñando diante das vacas  en plena ¨faena¨ nunha escena deste singular, orixinal e festivo Xogo das vacas.

ENTREVISTA A ROBERTO PARDO (Colaborador na organización do Faustino) - Entroido malpicán -

 Continuamos dentro dos preparativos para a conmemoración do día mundial da Radio convidando a distintos persoeiros que participan de maneira activa na dinamización do entroido malpicán. 

A primeira entrevista foi a Charo, colaboradora da AC Raigañas na organización do entroido en Cerqueda (madamitos e ghuardineros), e desta vez entrevistamos a Roberto Pardo, organizador e colaborador do enterro do Faustino.

Roberto explicounos con detalle en qué consiste o enterro do Faustino e como participa activamente na dinamización do entroido no pobo, enviando unha interesante reflexión final.

Compartimos a entrevista realizada por Lola, Mara, Fran e Pablo de 5º de Educación Primaria:

Clicando na primeira imaxe, accederás a galería de imaxes da entrevista:

EMOCIONARTE CON 6º DE EDUCACIÓN PRIMARIA

 Os nenos e nenas de 6º de Educación Primaria traballaron as emocións a través da área de Educación Plástica e Visual da man da súa titora Uxía. 

A tarefa consistitu en facer retratos posando con distintas emocións (tristeza, ledicia, medo..) que despois decoraron, conformando un fermoso mural que adorna o noso corredor da segunda pranta.

 compartimos o resultado final: