Visita RTVG

 VISITA RTVG

O alumnado de 5º e 6º tivo a sorte de poder visitar as instalacións da RTVG, xa que o CEIP Milladoiro foi o gañador do VII podcast de Radio na biblio no curso 2024-2025.

5º e 6ºEP_Saída ao MELGA

                                                       

5º e 6ºEP_Saída Aquarium e Casa das Ciencias

                               

5º e 6º EP_Saída á sede da Real Academia Galega

Cancioneiro de Buño, un dos exemplares doado polo Concello de Malpica a nosa Biblioteca, foi presentado, no día de onte, na sede da Real Academia Galega.

A esta presentación asistimos 5º e 6º de Primaria acompañados polos titores. Na presentación demos boa conta das coplas recollidas no libro que aúna dous mundos creativos: a olería e a literatura popular. Premendo na seguinte imaxe accederedes ao álbum de fotos da xornada.

Voltamos da presentación co noso exemplar asinado polo editor literario, o cal recolle na dedicatoria a importancia de valorar e salvagardar o noso rico pasado.

Agradecemos a doazón dos exemplares por parte da Concellería de Educación, Cultura, Patrimonio e Deportes do noso Concello, así como a saída complementaria.

Unha mañá literaria!

Xornal, Música e MUNCYT

Onte fomos a Coruña. Primeiro ao xornal La Voz de Galicia. Logo a un concerto no Pazo da Ópera e despois ao MUNCYT
A primeira visita decepcionounos un pouco porque non vimos como se fai o xornal. Só a unha señora que nos explicaba. As profes dixérannos que sempre agasallaban un xornal e un libro e outros para a biblio. Pero non nos deron nada.
Logo o concerto foi estupendo porque estabamos sentados moi cómodos e non tivemos que estar fora agardando moito tempo coma outras veces. As profes felicitéronnos porque nos portamos moi ben.
 O millor foi o museo da ciencia e tecnoloxía no que vimos varias máquinas impresionantes e construímos un helicóptero. Aquí foi onde comemos. O día foi estupendo. As fotos AQUI

Ecomuseo de Buño

E, hoxe: Buño. Unha excelente visita na que, ademáis de achegarnos á vida dos oleiros, tivemos a ocasión de traballar o barro coas mans. Sempre é un placer aprender máis sobre quenes fomos, para saber mellor quenes somos. DESCARGA AS FOTOS AQUÍ

Concerto e domus

O mércores fómonos á Coruña. Primeiro á Agora a escoitar un concerto de música tradicional que nos brindou a Banda de Música Municipal. Despois fomos á Domus, comemos e visitamos ese museo científico. Por último, asistimos a un documental e 3D sobre os atolóns- Un día estupendo!

Viaxe fin de curso

Algunhas imaxes do que foi o noso primeiro día no Fieitás.
As fotos para descargar están AQUÍ
Despois de organizarnos en grupos paa os dormitorios e pórlles nome, comemos.
Pola tarde, o vento non nos deixou voar as cometas nin atender ben ás explicacións da visita á lagoa. Pero pasámolo ben de todos xeitos.
Xa pola noite,e despois de cear, fixemos un xogo de pistas. O vento seguía tolo, tolo.
Pero hoxe xa calmou.
Seguiremos a informar!

Viaxe á Ribeira Sacra

Alá fomos. Saímos ás 8:15 da mañá para comezar un día longo e precioso.
Como o tempo non acompañou moito, houbo un cambio de plan e, en lugar de facer unha camiñata olo monte, visitamos os mosteiros de San Pedro de Rocas e Santo Estebo de Ribas de Sil. Logo fomos comer ó polideportivo de Luintra (que aínda non está acabado de facer) e alí recibimos a visita de Santi, un afiador que nos explicou cousas do oficio: que é un naceiro, un mutilo... e aprendeunos frases en Barallete (a xiria que usaban os afiadores para comunicarse entre eles):

Bata, caranto caxirte un mordato

Mamá, quero darche un bico

A orenta é un talaxío taril, non talaxedes a orenta.

A auga é un ben preciosos, non malgastedes a auga.

Se apeñades dos morenos, os morenos apeñarán de vós.

Se coidades das árbores, as árbores coidarán de vós.

Logo fomos ó catamarán e percorremos un tramo do río Sil. Vimos as cepas do viño que parecía imposible que alguén chegase ata elas.

E logo... a volta. Chegamos a Malpica ás 21:15. Tal e como quedaramos coas nosas familias.

Cansos pero moi, moi contentos.

A información e os enlaces ó que se pode ver na Ribeira Sacra, xa volos puxemos nas entradas anteriores (as dos textos da webquest) así que, non repetimos.

Ribeira Sacra

Ribeira Sacra:
A Ribeira Sacra está formada por vintedous concellos:A Pobra do Brollón · Baños de Molgas · Castro Caldelas · Chandrexa de Queixa · Chantada · Esgos · Maceda · Manzaneda · Monforte de Lemos · Montederramo · Nogueira de Ramuín · A Peroxa · A Teixeira · Pantón · Parada de Sil · Paradela · Pereiro de Aguiar · Portomarín · Quiroga · Saviñao · Sober · Taboada
Chámase así pola gran cantidade de mosteiros que existen na zona.
Chégase: indo ata lugo pola A-6 e desviarse en dirección Ourense pola Lu-903.
Na Ribeira Sacra vívese do cultivo de uvas para obter viño. E de facer o viño.
Monumentos que visitar:un dos dezaoito mosteiros que hai, por exemplo o de Santa Cristina, os Cañóns do Sil e as viñas que se poden contemplar se sigues o curso do río.

Ribeira sacra

Os concellos que a forman son :A Pobra do Brollón · Baños de Molgas · Castro Caldelas · Chandrexa de Queixa · Chantada · Esgos · Maceda · Manzaneda · Monforte de Lemos · Montederramo · Nogueira de Ramuín · A Peroxa · A Teixeira · Pantón · Parada de Sil · Paradela · Pereiro de Aguiar · Portomarín · Quiroga · Saviñao · Sober · Taboada .

O nome de Ribeira Sacra probablemente vén da Idade Media, e nun principio pensouse que a denominación procedía do latín Rivoira Sacrata, e que podería ter a súa orixe na gran cantidade de mosteiros e templos que se construíran nos canóns e escarpadas abas típicas da comarca.
Chégase pola A-6 .Dende Malpica á Coruña , en Coruña cóllese a A-6 ata Lugo e alí LU-903 e despois a OU-903 cando vexas o rio segues o seu curso.
Alí principalmente vívese do plantar vides e facer viño: a D.O. Ribeira Sacra.
Os monumentos son: mosteiro de Pedro Pedro de Rocas, Santa María de Montederramo , Xunqueira de Espadañedo, Santo Estebo de Ribas de Sil... e así ata máis de 18.
.
Tanto eu coma Jessica temos moitas ganas de ir á Ribeira Sacra e con este traballo aprendimos algo mais .

A Ribeira Sacra.

COMO CHEGAR DENDE MALPICA ATA VILARIÑO

Ir dende Malpica ata Arteixo, alí coller o desvío para Madrid/A-6/Lugo, logo coller a estrada LU-903 ata a OU-903.
A continuación dirixirse ata OU-0604 e xa estaremos.

CONCELLOS DA RIBEIRA SACRA

Os concellos da Ribeira Sacra son: A Peroxa, A Proba do Brollón, A Teixeira, Baños de Molgas, Castro Caldelas, Chandreixa de Queixa, Chantada, Esgos, Maceda, Manzaneda, Monforte de Lemos, Montederramo, Nogueira de Ramuín, O Sabiñao, Pantón, Parada de Sil, Paradela, Pereiro de Aguiar, Portomarín, Quiroga, Saviñao, Sober e Taboada.

MONUMENTOS

Vale a pena visitar algúns dos 18 mosteiros, por exemplo: O de Santo Estebo, o de Santa Cristina de Ribas de Sil ou o de Santa María de Montederramo. Ou algún castelo coma o de Peroxa ou o de Castro Caldelas.

¿POR QUÉ SE CHAMA ASÍ?

Chámase así pola cantidade de mosteiros e templos que ten na ribeira do río Sil.


ALÍ VIVEN DE…

Viven de elaborar viño, xa que alí é a terra del. Teñen unha denominación de orixe: Ribeira Sacra.