Coma todos as anos por estas datas, xúntanse unha serie de emocións e sentimentos encontrados...a tristeza polo fin das vacacións de verán choca coa ledicia e os nervios pola volta ao cole. O tempo de lecer da paso á rutina, e toca volver a poñer o espertador para levantarse polas mañáns.
Este será un ano especial, xa que é o derradeiro curso no colexio. Despois de 9 anos no Milladoiro, cando en xuño rematen as clases, pecharase unha etapa moi especial para todos vos... pero abrirase outra nova no instituto. É por isto que esperamos que pasedes este curso coa maior das ilusións; onde o traballo e o esforzo xunto co compañerismo, a colaboración e o respeto guíen esta travesía. Valores que se ven reflexado nestas imaxes dos primeiros días...
Rematamos esta primeira entrada no blogue, desexándovos un Feliz curso 23-24 a todas e todos, vémonos na seguinte publicación!!
