10ª E DERRADEIRA SEMANA DO TERCEIRO TRIMESTRE:
Moi boas alumnado e familias:
Esta é a última entrada no blogue deste curso e quería aproveitala para homenaxear dalgunha maneira ao alumnado e agradecer a súa disposición.
Esta situación que impediu a asistencia ao centro durante tanto tempo seguido, supuxo unha adaptación sen precedentes na maneira de continuar o curso escolar. Atopámonos con obstáculos e imprevistos derivados da imprevisibilidade desta situación excepcional, pero os nenos e nenas sobrepuxéronse a iso e mostraron unha actitude e un compromiso que cómpre recoñecer e valorar, houbo momentos compricados, pero seguiron traballando e mostando a súa creatividade e gañas de seguir aprendendo, por todo isto, GRAZAS polo voso traballo e GRAZAS polo voso empeño. Agora PASÁDEO BEN neste verán que o tedes máis que merecido. (Con coidado e precaucion ;-D).
Aos nenos e nenas de 6º moita sorte no instituto o vendeiro curso, cando queirades facer unha visita, xa sabedes onde estamos, e aos demáis, vémonos á volta.
Todos e todas sodes merecedores dunha medalla de campións, dende aquí o meu recoñecemento.
Anímovos a facer un comentario neste blogue (abaixo de todo) se vos queredes despedir ou contar calquer cousa, senón podedes facelo a través do correo electrónico utilizado para mandar as tarefas:
alumnadomilladoiro@gmail.com
Un saúdo grande e un choque de cóbados :-D
Ata a próxima!!
9ª SEMANA DO TERCEIRO TRIMESTRE:
Moi boas alumando e familias!! que tal ides? espero que ben..
Para poñerlle o broche final a este insólito trimestre, propoño unha actividade libre e optativa. Desta vez, podedes elexir entre un debuxo,unha pequena redación, un audio ou un vídeo no que expresedes o que máis vos gustou deste curso. Podedes falar dalgún xogo, dalgún deporte ou tarefa que fixéramos ou dalgunha actividade feita no colexio ou que fixerades neste confinamento, é totalmente libre a temática, sempre e cando garde relación coa área de Educación Física.
Gustaríame desta vez facer unha mención especial ás familias polo voso compromiso e a vosa comprensión, sen a vosa axuda sería compricado continuar coa nosa labor. Se nestas circunstancias o proceso de ensino- aprendizaxe é complexo, en Educación Física moito máis, debido a súa propia idiosincrasia.
As tarefas propostas buscaban que todos e todas os nenos e nenas as poideran levar a cabo e adaptalas ás súas circunstancias, a pesar das restriccións de movilidade tan grandes que houbo en determinados momentos do confinamento.
A Educación Física a entendo coma a educación do movemento en todas as súas caras, que son ilimitadas ( esquema corporal, organización espacial, percepción temporal, habilidades motrices, coordinación, lateralidade, capacidades físicas, expresión corporal, deportes, xogos tradicionais...) os nenos e nenas desfrutan e aprenden co movemento, e este contribúe a reforzar o seu crecemento,maduración e socialización. O traballo proposto dista moito da Educación Física que levamos a cabo no colexio, pero estas circunstancias especiais e inesperadas obrigaron a dar unha resposta diferente e adaptada, que dependeu en gran medida da vosa contribución.
Por todo isto, grazas pola vosa colaboración familias!!!!.
A vindeira semana cerrarei o curso cunha pequena despedida neste blogue para os nenos e nenas, que merecen todo o recoñecemento pola actitude nesta delicada situación.
Saúdos!!
IMAXES E VÍDEOS DAS ACTIVIDADES NO MEDIO NATURAL:
Esta imaxe enviouna Miriam, vese que está a facer unha andaina ou ruta de sendeirismo, parabens Miriam polo teu bo traballo durante esta época de confinamento.
( 2º de Primaria) dando un paseo en bicileta polo porto de Malpica,unha boa forma de facer actividade física e en compaña. Fenomenal chicos!!
Esta imaxe enviouna Uxía (6º) facendo en compaña unha ruta de senderismo, unha maneira de manterse en forma en contacto ca natureza. Grazas Uxía!!
8º SEMANA DO TERCEIRO TRIMESTRE:ACTIVIDADE FÍSICA NO MEDIO NATURAL:
Moi boas alumnado e familias:
No curriculum de Educación Primaria, recóllese o currículo específico de Educación Física.
Como xa dixen en anteriores ocasións, os contidos están organizados en 6 grandes bloques. No bloque de contidos número 6 os xogos e actividades deportivas, faise referencia a ¨ Práctica e gozo de actividades motrices lúdicas relacionadas coa natureza (xogos de campo, de exploración, de aventura, marcha, escalada...) e ¨Coñecemento e coidado da contorno natural¨
Xeralmente, no terceiro trimestre, realízanse xogos ao aire libre, normalmente relacionados con xogos populares ou xogos alternativos.
Como a situación actual relativa á crise sanitaria, permíte saír xa a rúa e visitar zonas naturais coma a praia, o campo ou calquer zona exterior, se o tempo acompaña, non hai mellor maneira de combatir os efectos do confinamento que facer exercicio ou actividade física no medio natural, por isto propoño a seguinte tarefa que probablemente sexa senón a última, unha das últimas.
https://www.runnersblueprint.com/
TAREFA
Desta vez, propoño que o alumnado realice algunha tarefa no medio natural e que aplique algún dos contidos repasados neste confinamento ou algún contido traballado no curso.
Algunha idea, podería ser:
- Baile
- Ioga
- Equilibrio
- Lanzamentos
- Circuitos
- Xogos tradicionais
- Malabares
- Saltos
- Desprazamentos
- Etc.
A tarefa consiste en levar a cabo algunha actividade das citadas (podendo ser algunha máis que esté relacionada con algún deporte ou actividade física) no medio natural. Podedes enviarme unha imaxe ou pequeno vídeo que non exceda dos 25/30 segundos, (canto máis resumido mellor por mor da cantidade de vídeos que me poden chegar)citando o contido que ides a desenvolver.
Por exemplo: Vou traballar o equilibrio e unha imaxe ou vídeo dunha actividade na que se vexa como o traballa.
Este documento o podedes enviar a:
Asunto: Para Óscar
Non esquezades poñer nome e curso
Data límite de entrega da tarefa: sábado 6 de xuño
Comparto dous bos exemplos de Daniela, alumna de 4º:
Veña, a demostrar o que sabedes!!
Un saúdo!!
Animádevos a comentar neste blogue de Educación Física abaixo da publicación en COMENTARIOS. Faríame moita ilusión.
Estimadas familias e alumnos e alumnas de Malpica.
Dende a área de Educación Física quero propoñer unha serie de exercicios ou actividades cas cales pretendo facer máis ameno para os nenos e nenas este complexo momento que estamos a atravesar.
Son tarefas encamiñadas e dirixidas a fomentar o movemento e a traballar contidos específicos desta área, tendo en conta as limitacións de espazos e medios que podemos ter cada un.
* Estas tarefas están orientadas para que cada un poda adaptalas a súa realidade. Subirei propostas os martes e xoves que equivalen as dúas sesións semanais. O interesantes e que todos os días haxa activación, ben sexa facendo saltos a pata coxa, saltos cas dúas pernas xuntas, sentadillas e combinacións de sentarse/levantarse, acostarse/levantarse... podedes tomar coma referencia os propostos nos primeiros días (o final desta publicación)...
* Todos os días na TVE2 , tedes o programa ¨Múevete en casa¨ as 9:00 h horas, está enfocado para os maiores pero pode ser un bo momento para compartir exercicio cos pequenos e pequenas e empezar o día activos.
* Os mércores en Clan Tv tedes tamén propostas relacionadas con Educación Física:
Dende aquí o meu apoio e ánimo, cada día que pasa é unha pequena victoria.
Non esquezades : #EUQUEDONACASA
Un agarimoso saúdo.
Óscar.
FOTOS E VÍDEOS!!
Neste vídeo, Adrián demostra a súa pericia encestando a pelotiña dentro do vaso, agora teríalo que intentar coa outra man, a ver se se che daba ten ben jejeje ;-D
Comparto unha imaxe que me facilitou Charo de Miriam rodeada do mateiral que foi facendo estes días de confinamento.
Elexin esta porque aquí pódese ver todo o material que foi elaborado que por certo quedoute chulísimo.
Parabens Miriam e moitas grazas pola imaxe.
Este vídeo facilitoumo a profe Susana, podemos ver a Mariña facendo un circuíto moi completo, no que se combinan diferentes habilidades coma lanzamentos, saltos, slalom, trepa...parabens a Mariña e a súa familia polo esforzo e moitas grazas por compartir o vídeo, a ver se se anima máis xente. Un saúdo!!!
7ª SEMANA DO TERCEIRO TRIMESTRE:
Moi boas nenos, nenas e familia,
moitas grazas polo vídeos, imaxes e correos electrónicos que están a chegar.
Esta semana propoño realizar o exercicio físico dende outra perspectiva: O baile.
A expresión corporal é un contido que está relacionado directamente coa Educación Física, concretamente, co bloque de contidos número 4. Actividades Fisico-artísticas expresivas.
Esta semana pasado do traballo teórico ao práctico, propoño que busquedes cancións e músicas que vos gusten e que as bailades da seguinte maneira:
- Bailar utilizando só os brazos
- Bailar utilizando só os pes
- Bailar utilizando os brazos
- Bailar movendo só a cadeira
- Bailar só da cintura para abaixo
- Bailar da cintura cara arriba
- Bailar movendo todo o corpo
O caso é seguir o ritmo cas partes do corpo que elixades, cambinando cada 20/30 segundos a parte corporal, elexide cancións intensas, xa veredes como cansa!!
Esta semana pasado do traballo teórico ao práctico, propoño que busquedes cancións e músicas que vos gusten e que as bailades da seguinte maneira:
- Bailar utilizando só os brazos
- Bailar utilizando só os pes
- Bailar utilizando os brazos
- Bailar movendo só a cadeira
- Bailar só da cintura para abaixo
- Bailar da cintura cara arriba
- Bailar movendo todo o corpo
O caso é seguir o ritmo cas partes do corpo que elixades, cambinando cada 20/30 segundos a parte corporal, elexide cancións intensas, xa veredes como cansa!!
Comparto un traballo que propón unha colega, bailar deixándovos seguir polas sensacións da música, espero que vos guste, e xa sabedes, esta semana toca bailar!!!
- Facer click na imaxe-
6ª SEMANA 3º TRIMESTRE
EDUCACIÓN FÍSICA. OS XOGOS TRADICIONAIS
www.freepik.es
Moi boas a todos e todas, que tal estades?
Desta vez, propoño elaborar un pequeno traballo relacionado cos xogos tradicionais.
Como ben sabedes, neste curso introducimos unha serie de xogos tradicionais (o pano, os trompos, a comba, a corda, a goma…) para poder xogar nos recreos, pero creo que é interesante coñecer un pouco máis sobre eles.
Os xogos tradicionais son aqueles xogos aos que xogaban os nosos antepasados e que se foron transmitindo de xeración en xeración, é decir, transmítense de forma oral a través das familias.
www.saltosconcomba.blogspot.com
As consolas, os ordenadores, os móviles, as tablets… son formas de xogo modernas., de feito, cando os nosos avós e avoas eran pequenos, non existían. De iso non fai tanto tempo… Sabedes coma se divertían cando eran nenos e nenas como vos? Pois a maior parte o facían a través dos xogos tradicionais.
Para coñecer un pouco máis sobre isto, cómpre que fagades un traballo de investigación e lles preguntades aos vosos familiares máis maiores , senón valen os vosos país ou nais, a ver como facían eles para divertirse, a que xogos xogaban ou cales eran os seus favoritos.
Para isto, podedes seguir as seguintes preguntas:
A que xogábades de pequenos?
Donde xogábades e con quen?
Cal era o voso xogo favorito?
Cando coñezades o xogo favorito, elaborade unha ficha sobre él nun folio seguindo os seguintes datos:
Nome do xogo:
Material que se precisa para xogar:
Número de xogadores:
Descripción do xogo:
Debuxo do xogo:
Unha vez feita a ficha a enviades a seguinte dirección:
alumnadomilladoiro@gmail.com
asunto: Para ÓSCAR
Grazas!
Un saúdo!!
Un saúdo!!
5º SEMANA 3º TRIMESTRE
Ola a todos e a todas, que tal vai iso? espero que sigades ben, polo que vexo nas imaxes do blogue estades a traballar moito e moi ben.
Para finalizar o traballo que iniciamos sobreo ioga, comparto unha imaxe de distintas asanas ou posturas que podedes levar a cabo.
Intentade facer duas cada día, manténdoas facendo cinco respiracións profundas pola nariz, expulsando o aire lentamente pola boca, a ver que tal se vos da, e se vos animadeS, enviade unha imaxe a vosa titora dalgunha que vos guste.
É REALMENTE TAN IMPORTANTE FACER TODOS OS DÍAS ALGO DE EXERCICIO?
Moi boas alumando e familias, hoxe quería compartir con vós algunhas reflexións relacionadas co exercicio físico.
Na cultura popular, sabemos que o exercicio é recomendable (a todas as idades), xeralmente porque sabemos que contribúe a mellorar a saúde e a sentirnos ben.
Hoxe quería afondar nisto dándolle unha perspectiva científica que lle dea una explicación máis obxectiva.
Primeiro comparto a seguinte imaxe:
Este é un escáner do cerebro. A primeira imaxe é da activación do cerebro despois de estar se facer nada, a seguinte, mostra a activación depois de estar 20 minutos camiñando. Canto máis color, máis estimulación positiva.
Con isto quero poñer en valor a importancia de facer tódolos días un pouquiño de exercicio que estimule as funcións cognitivas mentais). A parte de todos os beneficios que afectan directamente ao sistema circulatorio, aos osos, músculos, tendóns, ligamentos, sistema respiratorio... hai un beneficio directo sobre o sistema nervioso.
Entre outros beneficios atópanse:
- A disminución do estrés e da ansiedade.
- A liberación de endorfinas (unhas hormonas que se liberan despois de facer exercicio e que da sensación de benestar).
- Ralentiza a aparición de enfermedades neurodexenerativas ( Por exemplo o alzehimer).
- Impulsa a cretividade.
- Mellora a confianza e a autoestima.
- Potencia a concentración, memoria e a atención.
A clave está na continuidade máis que na intensidade, dedicarlle todos os días unha horiña a exercitarse, como podedes ver son todo beneficios , tanto para os máis pequenos coma para os maiores.
Así que xa sabedes, a moverse!!!
4ª SEMANA DO 3º TRIMESTRE:
Moi boas familias e alumnado!!
Como van esas saídas? espero que as estedes aproveitando para exercitarvos un pouco. É o mellor momento para correr un pouco, saltar, xogar, andar na bicleta ou patinete ou darlle unhas patadas á pelota. O ideal é ir variando un pouco os xoguetes que utilicedes para así aumentar as habilidades que necesitedes para manipulalo ou para xogar con él.
Acordádevos de gardar todas as recomendacións e aproveitar un pouco o sol que se poida, para nutrirnos da vitamina D, moi vencellada ao crecemento.
Esta semana propoño darlle un puntiño máis á iniciación ao ioga que presentei a semana pasada, comparto un vídeo que me parecen moi interesante, nocal se poden ver a variedade de asanas ou posturas distintas de ioga hai, invítovos a que as vexades e practiquedes aquelas que pensedes que podedes levar a cabo, se vos animades, por medio da vosa titora ou titor, enviade alguna foto cunha posturade ioga para ir aumentando as que hai neste blogue e que os demáis se vaian animando.
Moito ánimo e un saúdo. Recordade de aproveitar esa horiña que tedes para sair da casa e facer un pouquiño de exercicio.
Ata a próxima!
AMPLIACIÓN 3ª SEMANA DO TERCEIRO TRIMESTRE:
Moi boas nenos, nenas e familias. Como van esas primeiras saídas? espero que as estedes disfrutando e aproveitándoas para facer un pouquiño de exercicio.
Propoño, como actividade, unha iniciación ao ioga. Seguro que moitos xa coñecedes esta disciplina aínda que só sexa por oidas. Quero deixar claro que é unha maneira de traballar aspectos recollidos no curriculum relacionados co esquema corporal (actitude postural,respiración e relaxación).
Paréceme un método ideal para desenvolver estos contidos. A continuación fago unha pequena reflexión sobre amiña visión con esta proposta:
Na actualidade, o movemento ten unha compoñente máis amplia que o feito relacionado ca corporalidade, está demostrado que no movemento hai unha unión entre o corpo e a mente. Hai estudos científicos que abalan que a actividade física incide directamente sobre á aprendizaxe de maneira positiva. Esta concepción sobre a unión corpo-mente queda constatada de maneira explícita no curriculum oficial de Educación Infantil , que nomea a disciplina específica relacionada co movemento coma PSICOMOTRICIDADE.
Considero que o ioga conxuga a interrelación entre corpo e mente, desenvolvendo o coñecemento do propio corpo a través da súa percepción.
Propoño como iniciación unha tarefa moi sinxela.
- A primeiro actividade é tumbarse sobre unha superficie cómoda, coma por exemplo, unha alfombra. Poñer as mans xusto debaixo das costelas, e inspirar o aire hacia o estómago e notar como sube e inspirar o asire lentamente notando como baixa durante 4 minutos.
- O segundo exercicio consiste en manter 5 respiracións profundas pola nariz e espirando o aire lentamente pola boca mentras se fan as seguintes posturas:
* Se vos animade comentade no blogue as sensación ou mandade unha imaxe a vosa titora sobre algunha destas posturas.
Espero que vos guste, un saúdo!!
PROPOSTA DE ACTIVIDADE FÍSICA DENTRO DE CASA:
O sedentarismo é unha pandemia cuxos efectos se incrementan nestes tempos de confinamento.
A actividade física e as técnicas de relaxación poden ser ferramentas útiles para axudar a manter a calma e seguir protexendo a saúde durante o tempo de confinamento.
Por iso é fundamental que, nas idades máis temperás onde se adquiren os hábitos, o noso alumnado continúe con rutinas de traballo físico que incidan sobre os compoñentes da condición física para a saúde (Resistencia Cardio-respiratoria, Forza-resistencia muscular, flexibilidade e composición corporal), combinadas coas habilidades motrices e coordinativas.
Perante esta situación, a Dirección xeral de Educación, Formación Profesional e Innovación Educativa, a través dun grupo de especialistas en educación física e das súas familias deseñou unha programación semanal que permite ao alumnado traballar algúns destes aspectos.
Estes vídeos constan dunha serie de actividades físicas cunha duración de 15 minutos aproximadamente, deseñadas para ser desenvoltas na casa, sen apenas material específico e dunha maneira sinxela, divertida e significativa para o alumnado de educación primaria.
Na situación actual, o exercicio físico debe ser un dos maiores aliados para combater a tensión e a frustración dos e das pequenas. A idea é facelo sempre a través do lúdico e o xogo. Que aprendan xogando e xerarlles estímulo.
NOVIDADES NO ESTADO DE ALARMA RELACIONADAS COS MENORES DE 14 ANOS.
Comparto dúas ligazóns de interese:
GUÍA DE LAS BUENAS PRÁCTICAS EN LAS SALIDAS DE LA POBLACIÓN INFANTIL DURANTE EL CONFINAMIENTO. Ministerio de Sanidad:
Comparto unha ligazón do COLEF ¨Consejo general de la Efucación Física y deportiva¨ relativo ao aproveitamento desta hora de saída relacionandoa coa actividade física:
RECOMENDACIÓNS:
- A familia debe determinar os hábitos: Hai que explicarlles moi ben en qué consiste a medida, por qué deben cumprir as normas, o relativo ao tempo, aos xoguetes, as distancias sociais, a hixiene... o ideal sería levar unha alarma que nos avisase ao acabarse a hora, a solidaridade e o cumprimento das normas é importante, deben entendelo coma un premio polo seu bo comportamento no confinamento.
- Activación gradual e progresiva. Hai que entender que os nenos e e nenas veñen de atravesar unha etapa de pouca estimulación física, especialmente relativa ao sistema respiratorio e circulatorio, por isto o ideal é que os primeiros días dean paseos nos que podemos variar a velocidade, utilización de monopatíns ou bicicletas, relacionadas con actividades aeróbicas que non lles activen excesivamente, para que en días posteriores poidan xa facer outro tipo de actividades de outra intensidade coma saltos ou carreiras.
- Aproveitamento de momentos nos que poidan estar en contacto co sol (con gorra e crema solar) e a poder ser en contacto coa natureza, estamos na primavera e os paseos por estes entornos son ben recibidos polos nenos e nenas, sobre todo aqueles que estiveron confinados en pisos (ollo alérxicos)
- Utilización e variación dos xoguetes, que non saquen sempre o mesmo, o ideal e que cada certo tempo varíen para enriquecer o movemento e as habilidades, nos primeiros días podemos primar os que máis lles motiven.
- Na actividade física, hay tres momentos claves:
- ACTIVACIÓN ou quencemento.
- fase PRINCIPAL
- RELAXACIÓN ou volta a calma.
Esta horiña que teñen para eles, o ideal e que respeten un pouco estos tempos, que vaian de menos a máis, e a relaxación a fagan na casa, aproveitando reforzar os hábitos hixiénicos, supervisando os mesmos. Ollo co suor e co frío. Establecer un pequeno protocolo para a desinfección dos xoguetes, especialmente os que están máis en contacto co chan coma os balóns. Ollo coa utilización de instalacións públicas coma bancos, tocar barandillas, papeleras...
A utilización responsable desta medida, dará pé a que poidan haber maís novedades das que podamos aproveitarnos todos, sexamos escrupulosos no seu cumprimento.
Un saúdo e a disfrutar desta horiña que teñen ben merecida.
* Posibles novidades no confinamento nos menores de 14 anos:
A partires do domingo e a espera da publicación oficial, os nenos e nenas menores de 14 anos poderán saír acompañados dun adulto. É mellor esperar a que saian publicadas estas novas no BOE e despois leelas con atención, por iso esperarei a que isto ocurra para analizalas. Se finalmente se concreta esta noticia, traerá unha nova realidade no enfoque do exercicio e da Educación Física e as propostas serán máis dinámicas e máis próximas a normalidade cotiá.
Nesta nova publicación, simplemente quero recalcar algúns consellos e indicacións que fun dando neste período de cuarentena, que precidamente hoxe fai honra do seu nome : 40 días.
ALIMENTACIÓN:
Na medida do posible, facer unha alimentación equilibrada, facendo cinco comidas ao día (Almorzo, pequena merenda, xantar, merenda e cea) Comer mínimo unha peza de froita diaria e animalos e concienzalos a comer verdura e legumes.
Educación en alimentación saúdabel controlando as inxestas de chucherías, bollería industrial, doces etc. e a importancia de limpar os dentes despois das principais comidas. Ollo coas ceas copiosas, xa que se convirten en calorías que quedan almacenadas e non se queiman.
HIXIENE:
Como ben sabedes, na área de Educación Física é obrigatorio o uso do neceser. Neste neceser habería que levar unha botella de uso individual, un xabrón, unha camiseta e unha toalla de uso individual. Nesta ocasión queda máis ainda de relieve o uso PERSONAL e INTRANSERIBEL deste material de aseo, é moi importante recalcarlles isto. Tamén moi importante o hábito de lavar as mans e como toser así como aprender a calcular a distancia social.
AUTONOMÍA:
Dende esta área, preténdese que os nenos e nenas adquiran a autonomía en canto a hixiene post exercicio. Saber cambiarse sós a camiseta, atarse os cordóns ou se é o caso, cambiar os calcetíns de maneira autónoma.
OCUPACIÓN POSITIVA DO TEMPO DE LECER:
Un dos principais obxectivos da Educación Física, é a loita contra o sedentarismo, por isto, é moi recomandábel que ese tempo de lecer que teñen, teña dalgunha maneira relación co deporte, exercicio ou áreas de interese constructivo, no cal, se relacionan con outros nenos e nenas, implementan a súa educación e aprender valores. O abuso das novas tecnoloxías ( móvil, tablets, videoconsolas, ordenadores...) están relacionados co sedentarismo, en moitos casos co individualismo, e tamén ca obesidade.
RUTINAS:
Para que a volta a esa ¨nova realidade¨sexa o máis levadeira posible, é moi importante que continúen tendo unha rutinas mínimas relacionadas ca hora de levantarse, ca hora de irse para cama, de facer algo de exercicio,o tempo para as tarefas escolares,ter uns horarios de comidas... unha rutina que lles axude a manter a estabilidade.
Animo a elaborar un xogo da oca como os que podedes ver un pouquiño máis abaixo, é unha maneira ideal de combinar a diversión e o movemento.
Espero que a semana que ven, poida dar unhas novas indicacións para aproveitar ese tempo no que os nenos e nenas poidan saír da casa, se así se confirma.
Pouco a pouco as cousas van mellorando, moito ánimo e parabens polo voso esforzo.
2º SEMANA DO TERCEIRO TRIMESTRE:
Moi boas nenos, nenas e familias de Malpica!!
En primeiro lugar quería agradecer a todas as familias que estades compartindo comentarios e fotografías ou vídeos, xa que as titoras estánme a pasar moito material e a verdade é que é unha alegría ver coma se divirten os nenos e nenas e os materiais que están creando.
Para comezar, quería facer un recordatoria para mañán mércores:
De luns a venres ( de 9:00 a 14:00), en Clan TV hai unha programación dirixida aos nenos e nenas de 6 a 8 anos, 8- 10 anos, 10-12 anos. Comparto toda a táboa, pero recalco que o MÉRCORES , é o día que dedican para a área de Educación Física e Educación Artística.
Xa sabedes, en función da idade podedes sacar ideas moi interesantes.
A mestra Ana do Departamento de Orientación en colaboración con Jessica a mestra de 4º recomendou unha actividade que está a ter moito éxito entre os nenos e nenas do segundo ciclo e que me parece moi moi interesante, xa que combina o xogo da oca co exercicio, tendo coma resultado un xogo dinámico, lúdico e no que entra o movemento.
Estiven buscando información e ideas semellantes a esta actividade e apareceron varias, vou a expoñer as propostas que atopei, para que poidades ter máis opcións e poder adaptar o xogo.
Para xogar a oca, precisaremos dados, por si non os tedes, achego o molde dun:
O tableiro sería este, é unha proposta que xurde duns compañeiros de Ferrol.
Outro tableiro máis completo sería o seguinte:
Aquí teríamos outro inspirado en serpes e escaleiras, o seu autor é Álvaro Martí Ibañez.
Como podedes ver, hai varias ideas. O bonito sería que fixérades sacando ideas destas propostas a vosa propia oca, aínda que non tivérades con quen xogar, poderíades xogar sós intentando chegar á linea de meta facendo as probas.
Un saúdo e recordade, olliño cas consolas, con estar moito tempo seguido sentados diante da televisión e cos doces.
Moito ánimo.
COMPARTO UN VÍDEO SOBRE UN XOGUETE MOI BÁSICO QUE NOS PODE VALER PARA TRABALLAR A COORDINACIÓN ÓCULO- MANUAL.
ANIMÁDEVOS A FACELO E A DECORALO!!
AMPLIACIÓN 1ª SEMANA DO TERCEIRO TRIMESTRE:
Proposta de traballo: Elaboración de dous xoguetes con material de refugallo para traballar os lanzamentos e a forza:
Moi boas nenos, nenas e familias, comparto un vídeo no que explico como elaborar cunha botella grande de auga e unha caixa de cartón dous xoguetes para practicar os lanzamentos en combinación con exercicos de forza.
No xogo da botella:
- Sentadilla+ salto+ lanzamento. 10 veces
No xogo da caixa:
- Túmbome, lanzo e vou rápido a pol pelota de papel albal.
10 veces. (É unha adaptación das flexións dándolle un tono lúdico)
A máis velocidade, máis complexidade. Pódense variar as distancias.
Animádevos a crear os voso pequeno ximnasio na casa!!!
Escribo os pasos por se hai dificultades co vídeo:
* XOGO CON BOTELLA DE AUGA GRANDE ( + de 3 litros)
- Material: Botella de auga grande, tesoiras, cartulina, folio, rotulador, papel albal e un obxecto punzante.
O resultado final sería este:
O ideal e colocalo sobre unha mesa ou superficie elevada para que o lanzamento se fixese o máis frontal posible.
(SENTADILLA + SALTO+ LANZAMENTO) 10 veces.
* XOGO CON CAIXA DE CARTÓN EN FORMA DE COELLO.
- Material: Caixa de cartón, cartulina, folio, rotulador e cinta adhesiva.
O resultado final sería este:
* Animo a que cada neno ou nena faga a súa caixa co seu animal favorito, seguro que se saen cousas moi chulas.
Este o colocaríamos a ras do chan, habería que lanzar tumbados e levantarse rápido despois de lanzar (estilo flexión)
(TUMBADO+ LANZAMENTO+ LEVANTARSE RÁPIDO)
10 veces.
* RECORDO: Para maiores, 5º e 6º
Por se non o sabíades, hai unha canle que fai un programa de televisión para movernos pola mañá:
Canle: TVE 2.
Programa: Muévete en casa.
Hora: 9:00
Paréceme unha idea interesante, xa que as propostas que se fan dende o blogue quedan supeditadas á realidade de cada un. Hai xente que ten terreo e non ten problema para que os nenos e nenas xoguen, pero haberá tamén nenos e nenas que vivan en pisos, que serán de maior ou menor superficie, e que contarán con máis espazo, material etc. polo tanto, o que quero é ofrecer variabilidade de propostas, xogos para que os poidades adaptar a vosa realidade.
Unha aperta.
Unha aperta.
TERCEIRO TRIMESTRE:
Moi boas querido alumnado,
en primeiro lugar quería decirvos que espero que estedes ben vos e as vosas familias.
Como ben sabedes, hoxe comeza o terceiro trimestre, un trimestre diferente, pero que temos que poñer en marcha a pesar das dificultades.
As miñas propostas van dirixidas a aportar recursos e ideas para levar este confinamento da mellor maneira posible facendo un pouquiño de exercicio.
Seguirei un pouco a mesma línea que viña traendo, farei propostas de sesións, recomendacións relacionadas coa saúde, propostas de xogos e recursos.
A área de Educación Física, polas súas características, ten se cabe maiores obstáculos nesta situación, porque os espazos e os materiais que ten cada neno ou nena son distintos.
Hai nenos ou nenas que viven en pisos con máis ou menos espazo, hainos que viven en casas con terreo, hainos que non teñen irmáns e outros que sí os teñen... moitos condicionantes que fan complexo elaborar unha resposta común e adecuada as distintas realidades, por iso adoptei esta estratexia de facilitar recursos, ideas e propostas.
Comezo pois, comunicando que na televisión hai unha programación dirixida aos nenos e nenas de distintas edades.
De luns a venres ( de 9:00 a 14:00), en Clan TV hai unha programación dirixida aos nenos e nenas de 6 a 8 anos, 8- 10 anos, 10-12 anos. Comparto toda a táboa, pero recalco que o MÉRCORES , é o día que dedican para a área de Educación Física e Educación Artística.
* A Universidade da Coruña (UDC) ten unha serie de circuitos para facer na casa moi interesantes. Paso a ligazón. Podedes ver o nivel de cada vídeo, aqueles que poñan nivel de iniciación sería o apropiado para vós.
PINCHA AQUÍ PARA ACEDER A PÁXINA
II AMPLIACIÓN 3ª SEMANA EDUCACIÓN FÍSICA:
Moi boas nenos e nenas de Malpica!!
estou esperando a ver se alguén se anima a publicar un comentario unha foto a contar que tal vai... que non vos de vergoña, se non que vos axuden na casa. Mandádeme unha mensaxe ou compartir que tal estades nos comentarios para saber de vos.
Hoxe propoño iniciarnos nos malabares. Se alguén se anima a facer un comentario, eu me comprometo a subir un vídeo facendo malabares XD
De entrada vou a compartir uns vídeos nos que se explica como se poden fabricar pelotas de malabares e a continuación, uns exercicios básicos de iniciación.
Os malabares permítennos desenvolver as habilidades óculo-manuais, o que nos axudará así a mellorar a nosa coordinación óculo - manual.
Estas habilidades requiren de dous ingredientes moi moi importantes, o primeiro, a constancia, e o segundo, a paciencia ou viceversa jejejeje.
Iniciarse pode ser frustrante, pero asegúrovos que se persistides, poderedes obter resultados.
A continuación, se premedes nas imaxes, poderedes acceder aos vídeos.
Neste vídeo, podemos ver como fabricar bolas de malabares utilizando arroz e unha media (PREMER NA IMAXE)
Neste vídeo, podemos ver como fabricar bolas de malabares utilizando arroz e unha media (PREMER NA IMAXE)
Para finalizar, comparto un vídeo (PREMER NA IMAXE) de iniciación aos malabares, a ver se vos animades e vos vai saíndo algo, xa sabedes, paciencia e constancia.
Este vídeo está moi ben, paréceme ideal para iniciarse.
Iso é todo por hoxe, unha aperta e moito moito ánimo!!!
AMPLIACIÓN 3ª SEMANA EDUCACIÓN FÍSICA:
Ola queridos alumnos e alumnas, que tal estades? gustaríame saber algo de vós, saber como vos vai e saber se estades á facer estas actividades que subo ao blogue.
Hoxe vou a compartir un vídeo moi interesante. (PREMEDE NA IMAXE PARA VER O VÍDEO) Como ben sabedes, este ano estivemos traballando os xogos tradicionais, e especialmente o salto a comba.
Sei que algúns tedes comba na casa e outros non, por iso, comparto un vídeo titorial no que ensinan como facer unha comba utilizando bolsas de lixo.
Se os vosos pais ou nais teñen algún cable inservible ou algunha corda que non usen, poderíase adaptar para utilizar coma comba, que vos axuden nesta tarefa e preguntade sempre antes de coller algo.
 |
Neste vídeo (PREMER NA IMAXE) amosan como fabricar a túa propia comba con material de refugallo. Se a tedes por casa, ou conseguides fabricala, practicade os saltos da seguinte maneira:
- Saltar coa pata coxa ( a ver cantos saltos sodes capaces de facer )
- Saltar coa outra perna ( a ver cantos saltos sodes capaces de facer )
- Saltar cos dous pes xuntos.
- Intentar saltar a corda pasándoa hacia atrás (Espalda)
- Practicar o cruce a ver se vos sale.
- Combinar estes saltos ( cunha perna, cas dúas, unha vez con cada unha coma se andáramos...)
* Comparto outro vídeo no que explican moi ben a técnica dos saltos básicos.(PREMER NA IMAXE)
A comba é unha actividade moi moi completa, máis completa que camiñar ou correr. Se tedes a oportunidade, practicade un pouquiño todos os días.
Faríame moita ilusión que me mandárades un vídeo practicando algunha destas cousas que vos recomendei.
Moitos saudos!!!!
TERCEIRA SEMANA (30 marzo – 5 abril)
Moi boas a todos e a todas, que tal estades? Espero que vos vaia ben e que estedes a facer todos os días un pouquiño de exercicio, como ben sabedes é fundamental moverse nestes tempos de confinamento.
A continuación vou a dar unha serie de recomendacións, infomación e unha proposta de sesión.
EXERCICIO NA TELEVISIÓN:
Por se non o sabíades, hai unha canle que fai un programa de televisión para movernos pola mañá:
Canle: TVE 2.
Programa: Muévete en casa.
Hora: 9:00
Paréceme unha idea interesante, xa que as propostas que se fan dende o blogue quedan supeditadas á realidade de cada un. Hai xente que ten terreo e non ten problema para que os nenos e nenas xoguen, pero haberá tamén nenos e nenas que vivan en pisos, que serán de maior ou menor superficie, e que contarán con máis espazo, material etc. polo tanto, o que quero é ofrecer variabilidade de propostas, xogos para que os poidades adaptar a vosa realidade.
RECOMENDACIÓNS NO CONFINAMENTO:
A área de Educación Física non se limita só ao exercicio físico, o contido que xira en torno a esta materia está recollido en 6 grandes bloques. Un dos bloques versa sobre a actividade física e a saúde. Dentro deste bloque, trátanse temas como:
- A saúde.
- A alimentación
- A hixiene persoal.
- A autonomía.
- A ocupación positiva do tempo libre
- Etc.
Por iso, quero recalcar a importancia de que os nenos e nenas se movan, que salten, que se levanten e se despracen, que fagan tarefas nas que inteveñan tamén os brazos etc.
Que fagan unha alimentación equilibrada, que non abusen da bollería, dos doces etc. que poden utilizarse en todo caso e de forma puntual coma unha forma de premiar ou reforzar unha conduta, pero que non formen parte da súa alimentación diaria.
Recalcar a hixiene persoal, especialmente as mans antes de comer algo. Asegurádevos de que aprenda ben esta conduta, que será necesaria tamén levar a cabo no futuro para sobrelevar esta situación.
Na hixiene persoal, recalcar que as botellas, toallas ou xabrón son cousas que deden formar parte sempre do seu neceser e non compartir cos seus compañeiros e compañeiras.
A autonomía no feito de que canto antes aprendan a atarse os cordóns, cambiarse de roupa ou asearse sós, máis maduros serán.
E por último, a ocupación positiva do tempo libre, en canto a que intenten non abusar dos videoxogos, a estar moito tempo seguido vendo debuxos, tablets ou móviles.
· Sei ben que non é nada sinxelo aplícalo e que é moi fácil de dicir, pero na medida do posible, temos que intentar que este período de tempo non lles afecte no seu crecemento nin nas súas rutinas, é pasaxeiro, polo tanto cando isto pase, maís sinxelo será para eles volver o día a día.
Despois destas recomendacións, fago unha proposta de sesión.
SESIÓN:
1ª PARTE: QUENCEMENTO
Facemos o quencemento que temos coma rutina antes de comenzar, penso que lles axuda a poñerse en situación e que así traballan a memoria. As partes finais destinadas a mover os brazos e as pernas (sentadillas, saltos) pódense repetir máis veces para activalos máis.
- Sería interesante facer unhas saídas en velocidade partindo dende diferentes posiciòns: Deitados, boca arriba, boca abaixo, sentados, sentados en posición frontal en posición de espaldas. dende cuclillas....
2ª PARTE:
EQUILBRIO: Escollemos libros, periódicos oo calquer obxecto plano que poidan levar enriba da cabeza ( 5 por exemplo e de distinto tamaño) o obxectivo é levar eses obxectos un a un dende unha estancia da casa outra ( dende a sala ata a habitación por exemplo) e despois traelos de volta variando o tamaño das zancadas.
A PETANCA:
Facemos bolas de periódico ben prensadas
(4). Colocamos unha pequena separa dous metros maís ou menos. Marcamos unha referencia. Hai que lanzar as pelotas intentar tocando a máis pequena. Primeiro c aman dominante, despois ca outro e despois alternando. Que reflexionen con cal lle costa máis para interiorizar esquerda/
dereita.
XIROS:
- Practicar a croqueta (xirar sobre sí mesmos tumbados)
- Practicar xiros de distintos grados combinados con saltos de distintos grados ata facer o xiro completo sobre sí mesmo (360)
- Incluir estos elementos nun pequeño circuito no que poñamos coma obstáculos cousas da casa que obriguen a ao neno ou nena a reptar, ir en cuadrupedia, ir hacia atrás…hai que ter imaxinación.
SALTOS:
· No pasillo o onde teñamos máis espazo.
- Deixamos os tenis desatados nun extremos. O neno sae descalzo, ponse un tenis e volve ao punto de partida.
- Vai a pata coxa co tenis que puxo, e pon o que lle falta e volve correndo.
- Saltando como unha rá.
- Saltando hacia atrás.
- Saltando de lado.
- Saltando coma canguros.
3ª PARTE:
FLEXIBILIDADE: Para facer co teu irmán ou pai/nai…
INDIVIDUAL:
Moito ánimo e un saúdo!!!!
AMPLIACIÓN DE TRABALLO PARA A SEGUNDA SEMANA DA CUARENTENA:
Moi boas familias e alumnos e alumnas de Malpica,
A continuación fago unha pequena ampliación de traballo para esta segunda semana de confinamento. O meu oxectivo é proporcionar ideas para que os vosos fillos e fillas poidan continuar facendo algo de exercicio a pesar das complicacións . Aqueles que tedes a sorte de contar cun terreo privado para poder saír, animade aos voso nenos e nenas a correr, saltar e xogar, repito que están nunha época de crecemento e que teñen que estimular o movemento co fin de fortalecer as articulacións.
1ª PARTE:
Considero importante que fagan o quencemento que temos coma rutina antes de comenzar, penso que lles axuda a poñerse en situación e que así traballan a memoria. As partes finais destinadas a mover os brazos e as pernas (sentadillas, saltos) pódense repetir máis veces para activalos máis.
2ª PARTE:
- Sería interesante facer unhas saídas en velocidade partindo dende diferentes posiciòns: Deitados, boca arriba, boca abaixo, sentados, sentados en posición frontal en posición de espaldas. dende cuclillas....
- SALTO DE PAQUETES (en vez de salto de vallas):
Buscamos algún obxecto que lles sirva de referencia aos nenos e nenas para saltar. Colocamos por exemplo canutos de papel de periódico no chan (Follas enroladas sobre sí mesmas)separados unos 30 centímetros (aproximadamente) o caso é que lles collan os pes no espazo entre eles. Podemos colocar uns 8 canutos. Facemos as seguintes tarefas de saltos :
* Saltar cos dous pes xuntos.
* Saltar pisando unha vez con cada pe .
* Saltar a pata coxa.
*Saltar ca outra pata coxa.
* De lado
* Calquer outra variente que se vos ocurra.
** Podemos facer un slalom entre estes canutos tamén tipo zig-zag.
- QUE NON CAIA:
Facemos unha bola con papel de periódico reforzada con cinta adhesiva, e a proposta é ver cantos toques somos capaces de darlle a bola sen que caia, utilizando as mans (primeiro unha, logo outra...)despois podemos utilizar tamén os pes, é compricado, pero debemos intentar que utilicen máis partes do corpo.
- O LIMBO:
Gústalles moito este xogo. O podemos preparar utilizando un cable longo ou unha corda. Trátase de pasar por debaixo sen tocar esta referencia. Iremos baixándoa pouco a pouco ata que a teñan que pasar reptando.
* Podemos darlle a volta ao xogo e partir dende o chan e ir subíndoo pouco a pouco, a idea é que agora a pasen por enriba,non ten por qué ser saltándo, senón rebasando, pasando unha perna por enriba e logo a outra.
- TAREFAS CON GLOBOS:
Golpeámolo con diferentes partes corporais: Cos distintos dedos da man, cunha man e con outra, co cóbado, co hombreiro, ca cabeza, co nocello, cos pes etc. Podemos facer a escaleira: pe, xeonllo, muslo, cóbado, hombreiro, cabeza e baixando polo outro lado.
* Tumbados intentar mantelo no aire sen que caia.
* Sentado intentar mantelo no aire sen que caia.
* Levalo dándolle golpes dende unha estancia da casa a outra.
- PARTE FINAL:
Traballamos a respiración. Facemos unha boliña pequena con papel, o obxectivo é que a leven soprando polo chan dun lugar a outro que lle indiquemos (dende a habitación ata a cociña por exemplo).
* Outra variante pode ser facer varias boliñas e que soprándolles unha vez forte a metan dentro dunha caixa tumbada ou dun vaso tumbado.
Espero que vos sirvan de guía, seguirei aportando material. Os que queirades compartir dúbidas ou contarme que tal ides, xa sabedes, ao final desta publicación na parte de comentarios, podedes dicirme que tal vos vai.
Todo o meu ánimo e o meu apoio, estou seguro de que vos estades portando xenial.
Moito ánimo!!!!!!
- En primeira instancia, facemos a nosa rutina de quecemento.
Paso unha ligazón sobre traballo de glúteo, abdominais e pernas.
Ide botando un ollo ao badminton coma deporte, visualizade algún partido e familiarizádevos coas normas e regramento.
SEGUIMOS CO
PLAN!!!
Ola queridos alumnos e alumnas e familias!! Que tal
estades? Por aquí, na miña casa estamos ben, non saímos nada a rúa e cumprimos
cos consellos que nos deron dende o principio. NON SAIR DA CASA.
Pásovos unha serie de xogos que podedes levar a cabo nas
casas.
BATERÍA
DE XOGOS:
Vexo,
vexo: Xogamos co neno ou nena, lle dicimos:
-
Vexo, vexo
-
Que ves ? ¨Respóndenos o neno ou nena¨
-
Unha cousiña
-
De que cor é?A partir deste diálogo, o
neno ou nena ten que ir diciendo cousas que vexa da cor que lle indicamos, e a
medida que se acerque (quente) ou alonxe (frío) lle imos dando as pistas.
O
escultor:
O neno ou nena terá os ollos fechados. Nós (pai/nai)
faremos unha figura co noso corpo, por poñer un exemplo cos brazos abertos en
cruz. O neno ou nena terá que adiviñar a postura que temos só tocándonos coas
súas mans.
O
espello ou a sombra: O pai/nai fará posturas, xestos ou
movementos e o neno ou nena terá que imitalos, despois podemos cambiar os
papeis.
A
búsqueda do tesouro: Eleximos un obxecto ou un xoguete do neno
ou nena e o escondemos nalgún lugar dunha habitación elexida, ou da casa e terá
que atopalo. Podemos poñerlle un límite de tempo (3-5 minutos)
Escondite:
O
neno ou nena terá que buscar un agocho e ficar alí ata ser atopado.
O
lazarillo: Poñémoslle unha venda ao neno ou nena ,
mediante as nosas indicacións terá que chegar a un lugar que lle indiquemos
previamente (ir dunha habitación a outra dependencia por exemplo)
As
estatuas: Poñemos unha música que lle guste ao neno ou
nena e cada vez que a paremos terá que pararse repentinamente.
Pares
e nones: Xogo
en parellas. Cada un esconde unha man detrás da espalda e eleximos (un pares e
outro nones) contamos unha, dúas , tres e ensinamos cada un a man cun número de
dedos extendido. Sumamos os dedos, se o resultado é par, gañará o que escolleu
pares e se é impar, o que escolleu nones.
A
moeda máxica: Xogos de parellas. Un terá unha moeda na man
e detrás da espalda, a esconderá nunha man ou noutra, o outro xogador terá que
adiviñar en que man a ten. Pódese
enfocar dende un punto de vista competitivo, a ver quen chega antes a 5 puntos.
Que
falta?: A xogar por exemplo no salón o unha
habitación. O neno ou nena observa a súa habitación ou salón e vaise para outra
dependencia da casa. O pai/nai esconderalle o xoguete ou material que queira,
cando diga xa, o neno ou nena terá que adiviñar que é o que falte. Sen remexer moito as cousas :-D
Lanza
penaltis: Facemos unha portería feita con roupa imitando os paus dunha portería , collemos un papel de periódico que podemos reforzar con cinta adhesiva e lle lanzamos a pelota, o neno ou nena sentado, terá que intentar
parar os lanzamentos.
Desfile
de animais: Por exemplo podemos xogar nunha habitación ou
no pasillo, lle indicaremos ao neno ou nena o animal que ten que facer e o
desprazamento relacionado con estes animais:
-
SERPE: Facer o desprazamento reptando.
-
CAN LASTIMADO: O desprazamento realizarase
con tres apoios ( Cun brazo ou cunha perna levantada)
-
GATO: Desprazamento en cuadrupedia.
-
CANGURO: Saltando con dous pes xuntos.
-
FLAMENCO: A pata coxa e logo con outra.
-
O SAPO: Saltando dende a posición de
cuclillas.
-
O GUEPARDO: A máxima velocidade
-
A TARTARUGA: A cmara lenta.
-
O CANGREXO: De lado ou cara atrás en
cuadrupedia.
Os
birlos: Con botellas de plástico ou latas ,
construimos unha bola de papel reforzada se temos, con cinta adhesiva, e
intentaremos derribalos, poden ser botellas, poden ser bonecos de pe ou calquer
outro material que se adapte.
Correcamiños:
Con duas follas de periódico: Collemos dúas follas de
periódico. Partimos dende un extremo da casa e temos que chegar a outro (outra
habitación) pisando só enriba dos papeis. Un o levan na man, o outro o colocan
e pisan enriba, unha vez enriba, colocan o outro diante,e así sucesivamente sen
tocar o chan.
Saltar
o río: Con dous cables postos en paralelo (por
exemplo, valdrían cordas) O neno ten que saltar dun lado ao aoutro do río sen
pisalo, porque no río hai pirañas. Cada vez que salte, faremos o río un pouquiño
máis ancho, ata ver ata onde é capaz de
saltar.
Malabares:
Construimos con papel de periódico duas
pelotas de papel ben compactas e realizaremos xogos de iniciación aos
malabares:
O
robot ao que se lle esgotan as pilas: O
neno ou nena móvese coma se fora un robot, e ímoslle dando as seguintes pautas:
-
Acábanse as pilas dunha man.
-
Acábanse as pilas duna brazo
-
Acábanse as pilas dunha perna.
-
Acábanse as pilas do pescozo.
-
Acábanse as pilas doutro brazo
-
Acábanse as pilas da espalda.
-
Acábanse as pilas da cabeza.
-
Acábanse as pilas da outra perna.
-
Acábanse as pilas do corpo: O nenos ou nena
acaba tirado no chan relaxado, só se poderá poner de pe cando lle
poñamos unha pilas novas (facéndolle cóxegas)
Compartide no apartado de comentarios dúbidas ou fotos. Unha aperta grande!!
Compartide no apartado de comentarios dúbidas ou fotos. Unha aperta grande!!
LIGAZÓNS DE INTERESE NESTA CUARENTENA:
Ola a todo o mundo e moito ánimo!! achego unha serie de ligazóns relacionadas con actividades que podedes facer na casa. Haberá cousas que non se podan levar a cabo por falta de material ou espazo. O que pretendo é achegar ideas e que poidades escoller as que mellor se adapten as vosas circunstancias e podades ter así recursos. Combinarei propostas de sesións con baterías de xogos e ligazóns de interese.
É moi importante que os nenos non pasen demasiado tempo xogando a videoxogos ou vendo debuxos animados un tempo prolongado de tempo.
Están nunha etapa de crecemento, polo tanto o movemento é imprescindible para fortalecer músculos, tendóns , articulacións e osos. Na medida do posible, cando poidades e o tempo acompañe, que lles dea o sol xa que a vitamina D é moi importante para o crecemento. (o que poida entrar pola fiestra)
A falta de mobilidade, en algúns casos, pode desembocar en aumento de peso, sería interesante que tiveran, dentro das posibilidades unha dieta equilibrada (sen abusar de chuches, bollería e doces), e non comer moito na cea, pois son calorías que non van a queimar e quedarán almacenadas.
Sei que é compricado levar a cabo tantas cousas, simplemente intento dar unha pautas e recomendacións.
AHÍ VAN AS LIGAZÓNS:
ACTIVIDADES PARA FACER NA CASA:
Neste vídeo, as actividades que se propoñen son:
- Traballo óculo-man cun globo.
- Golpeo do blobo con raqueta.
- Slalom entre botellas.
- Multisaltos sobre pau de vasoira.
- Lanzamentos (encestar nunha tarteira)
XOGOS ORIXINAIS PARA ENTRETER AOS RAPACES:
Neste vídeo achéganse varios xogos non só específicos de Educación Física, senón de outras modalidades. Son xogos moi interesantes e que penso que todos os poderedes levar a cabo. Aconsello ver estas dúas ligazóns, pódense sacar ideas moi interesantes.
UNHA APERTA GRANDE!
10 comentarios:
Ola Óscar! Que tal estás?
Moitas grazas polos teus exercicios e xogos.Fago ximnasia todos os días con meus pais e tamén empezamos os dias con Muévete en casa.
Adeus e feliz semana santa coa tua familia?
Ola Denise, son Óscar, que tal estades?
polo que vexo ben se facedes exercicio todos os días, así me gusta. Eu estou ben, moitas grazas por preguntar. Intentarei agora facer unha serie de retos ou challenge a ver se se anima máis xente a comentar para saber de vós.
Fíxome moita ilusión saber de ti, moitas grazas.
Saúdos para ti e para a túa familia.
Hola Óscar son Anxo de 6°,estamos todos ben,e ti?vou intentar a facer unhas pelotas con cinta adhesiva e papel para facer os malabares polomenos vouno intentar , un saudo.
Ola Óscar,alégrome que estés ben.O Domingo fixemos un circuito de obstáculos polo pasillo cronometrado,pásamelo moi ben e sudamos!!!!Unha Aperta,Denise.
Ola, son Óscar!! Perfecto Denise, moitas grazas e parabens a ti e a túa familia polo esforzo!! A seguir así, un saúdo para ti e para a familia!!
Ola Anxo, moitas grazas por contestar!! claro que sí, anímate e intentao, con paciencia acaba saíndo :-D Xa me contarás qué tal.
Moito ánimo Ánxo e atento a semana que ven, que subirei novas cousas.
Saúdos para ti e para a familia.
Animooooo
Ola Oscar, grazas polo teu comentario sobre o meu traballo de mate.
Gústame moito a proposta que nos fas da botella xa que é un dos meus retos favoritos.
Espero que te atopes moi ben, eu a veces estou un pouco agobiado pero tanto os exercicios que nos mandas tí como os da "Escola de porteiros" fan que me sinta un pouco mellor.
Estou desexando volver o cole para ver os amigos e xogar o baloncesto, badminton, voley...e facer unhas poucas travesuras!
Un abrazo e animoooo.
Hola Óscar, soy Miriam ya he realizado todas las tareas que mandastes. Con el vaso soy capaz de encestar la pelota con la mano derecha 26 y con la izquierda 11.
Me gustaría enviarte una foto de lo he echo pero por aqui no me deja.
Saludos
PARA BREOGÁN:
Ola Breogán, grazas a ti por contestar e escribir no blogue de Educación Física. Alégrome de que che gustas as tarefas que propoño, é normal ter momentos de baixón ou de agobio, xa van moitos días, pero hai que pensar que o peor xa pasou e que xa queda menos para poder saír. Recomeñndoche que todos os días dediques cinco minutiños a desconectar e a practicar o que se chama a respiración disfragmática. Túmbaste, pos a man sobre a barriga, e colles aire pola nariz lentamente, notando como se hincha a parte que está por encima da barriga, que se chama diafragma, despois expulsas o aire lentamente pola boca. A respiración diafragmática está relacionado co control dos nervios. Podes utilizar esta técnica antes dun partido importante ou no que te poñas nerviso. Axuda a mellorar a concentración, consello de porteiro a porteiro ;-D
Saúdos para Natalia e para a familia.
PARA MIRIAM:
Ola Miriam, moitas grazas polo teu comentario, fíxome ilusión saber que estás a practicar. Se xa eres capaz de facelo tantas veces, podes considerarte xa unha experta :-D , o que podes facer e aumentar a dificultade poñendo a cordiña máis grande. Sobre a foto, podes pasarlla a túa titora e xa se pon en contacto conmigo, senón non te preocupes.
A seguir movéndose, e moitos ánimos para ti e a túa familia.
igualmente oscar, boas vacacions¡¡¡
Publicar un comentario